Ղարաբաղյան հակամարտությունը ոչ մի զենքով չի լուծվի: Այս մասին մայիսի 9-ին Երեւանի Հաղթանակի զբոսայգում ասել է Հայաստանում ՌԴ դեսպան Իվան Վոլինկինը:
Անդրադառնալով Ադրբեջանին վաճառվող ռուսական զենքի մասին հարցին՝ դեսպանն ասել է. «Իմ կարծիքով հակամարտությունը կարող է լուծվել միայն խաղաղ ճանապարհով: Ոչ մի զենքով այն երբեք չի լուծվի: Հակամարտությունը հնարավոր է լուծել միայն բանակցությունների սեղանի շուրջ»:
Զենքի վաճառքի մասին կրկնակի հարցին ռուս դիվանագետը պատասխան հարցով պատասխանեց. «Ցույց տվեք ինձ տվյալներ, փաստաթղթեր, որոնց համաձայն, Ռուսաստանը շարունակում է Ադրբեջանին զենք վաճառել: Ռուսաստանը Հայաստանին նույնպես զենք է վաճառում»,- հիշեցրեց դեսպանը:
Այն դիտարկմանը, թե Ադրբեջանը շարունակում է խախտել կրակի դադարեցման մասին պայմանավորվածությունը, դեսպանը հայտարարեց, որ ինքը Ադրբեջանի համար պատասխանատու չէ: