Ընդհանուր իրավիճակը սահմանին վերահսկվում է, սահմաններն ամուր են: Այս մասին այսօր՝ մայիսի 9-ին, Ստեփանակերտում լրագրողների հետ զրույցում, ասաց Լեռնային Ղարաբաղի Հանրապետության պաշտպանության բանակի հրամանատար Լեւոն Մնացականյանը:
NEWS.am-ի թղթակիցը հայտնում է, որ նախարարը հաստատեց, որ շփման գծում ադրբեջանական կողմը զորքեր է կուտակում, միեւնույն ժամանակ անցել է ամուր պաշտպանության:
«Զորքեր կկուտակվեն, մենք էլ կցրենք: Ադրբեջանում վախի մթնոլորտ է, անցել են պաշտպանության»,- ասաց նախարարը:
Հարցին՝ հնարավո՞ր է լայնածավալ գործողություններ սկսվեն, նախարարը պատասխանեց, որ այս պահին նվազման միտում կա:
