Թուրքիայում անօրինական զենք կրելու համար ձերբակալված Ալփարսլան Չելիքի դեմ դիտավորյալ սպանության մեղադրանքը հանվել է։

Թուրքական DHA գործակալության փոխանցմամբ՝  թուրքական դատախազությունը հանել է Ալփարսան Չելիքի դեմ դիտավորյալ սպանության մեղադրանքը՝ հիմնավորելով, թե բավարար ապացույցներ չկան։ Դատախազությունը որոշումը հիմնավորել է Ալփարսլան Չելիքի ցուցմունքներով, թե նա իր զինվորներին ասել է, թե մի կրակեք օդաչուին։

Ալփարսլան Չելիքին մոտ մեկ ամիս առաջ Իզմիրում ձերբակալել էին զենքերով ռեստորան մտնելու համար, իսկ ռուսական կողմի բողոքի արդյունքում նրա դեմ հետաքննություն էր սկսվել նաեւ Սիրիայում Թուրքիայի խոցած ռուսական Սու-24-ի կատապուլտված օդաչուին սպանելու մեղադրանքով։

Ավելի վաղ Չելիքը պնդել էր, թե ինքն է սպանել ռուս օդաչուին։