Հայաստանում հեղուկ վառելիքի ներմուծման մենաշնորհ չկա։ Այս մասին մայիսի 18-ին խորհրդարանում ասել է վարչապետ Հովիկ Աբրահամյանը։
Նրա խոսքով՝ նախագահի հանձնարարության համաձայն՝ մայիսի 12-ին ինքը կարգադրել է հետեւել շուկաների ազատությանը եւ հավասարությանը։ «Որքան էլ որ քաղաքական ուժերը չցանկանան հավատալ մեր աշխատանքի անկեղծությանը, մենք փորձում ենք մեր աշխատանքով նրանց համոզել»,- ասել է վարչապետը։
Հովիկ Աբրահամյանը նշել է, որ տնտեսական մրցակցության պետական հանձնաժողովը հետեւում է հնարավոր խախտումներին։ Իսկ այսօր վարչապետը հերթական խորհրդակցությունն է վարել, որի արդյունքում եկել է այն եզրակացության, որ շուկայում ոչ մի սահմանափակում չկա։ «Յուրաքանչյուր ընկերություն, որն ուզում է հեղուկ վառելիք ներկրել, կարող է զբաղվել այդ բիզնեսով։ Կրկնում եմ, ոչ մի մենաշնորհ չկա»,- ասել է վարչապետը։