Հայաստանի նախագահի նստավայրում ՀՀ նախագահ Սերժ Սարգսյանն ընդունել է Ռուսաստանի Դաշնության վարչապետ Դմիտրի Մեդվեդեւին: Այս մասին Twitter-ի իր էջում գրել է ՀՀ նախագահի մամուլի քարտուղարի օգնականի Նարեկ Նիկողոսյանը:
Սերժ Սարգսյանն ու Դմիտրի Մեդվեդեւն առանձնազրույց են ունեցել: Քիչ անց ՀՀ նախագահի աշխատակազմը կհրապարակի հանդիպման մանրամասները:
Ավելի վաղ NEWS.am-ը հայտնել էր, որ Երեւանում, այսօր՝ մայիսի 20-ին Հայաստանում մեկնարկում է Եվրասիական միջկառավարական խորհրդի հերթական նիստը, որին կմասնակցեն ԵՏՄ անդամ պետությունների կառավարությունների ղեկավարները: Նիստի ընթացքում նախատեսվում է քննարկել ինտեգրացիոն փոխգործակցությանն առնչվող հարցերի լայն շրջանակ:
Հիշեցնենք, որ ԵՏՄ կառավարության ղեկավարների այս նիստը պլանավորվել էր անցկացնել դեռեւս ապրիլի 8-ին, սակայն ապրիլյան քառօյա պատերազմի հետեւանքով այն հետաձգվեց՝ Ղազախստանի վարչապետի պատճառով, ով չհամաձայնեց գալ Երեւան: Այդ ժամանակ նիստը տեղի ունեցավ Մոսվկայում: