Թուրքական ապրանքների ներմուծումը Հայաստան ընդհանրապես պետք է դադարեցվի: Այդ մասին մայիսի 20-ի մամուլի ասուլիսին հայտնել է Հայաստանի «Սպառողների ազգային միության» գյուղատնտեսության վարչության ղեկավար Լեւոն Աճեմյանը:
Նրա խոսքով, Հայաստանի տնտեսությունը դրանից չի տուժի: «Մենք պետք է մեր արտադրանքն այլ երկրներ արտահանելու ուղիներ գտնենք», - ընդգծել է Աճեմյանը: Նրա տեսանկյունից, անհրաժեշտ է վերահսկել Հայաստան ներմուծվող թուրքական ապրանքները: «Թուրքիան թշնամական երկիր է: Այդ երկրից ներմուծվող ապրանքներում կարող են վնասակար թունաքիմիկատներ լինել: Այդ պատճառով վերահսկողություն է անհրաժեշտ, հատկապես Թուրքիայից ներմուծվող գյուղատնտեսական ապրանքների նկատմամբ», - հավելել է Լեւոն Աճեմյանը: