Չիկագոյում (Իլլինոյսի նահանգ) վերջին տարիների ընթացքում խոշորագույն գործողության ընթացքում հանցավոր խմբավորումների ավելի քան 140 անդամ եւ թմրավաճառ է ձերբակալվել:
«Այդ անձինք պետք է գիտակցեն, որ եթե փոխեն իրենց կենսակերպը, իրենց վրա կզգան մեր ձեռքի տակ առկա ռեսուրսների ամբողջ ծանրությունը: Մենք իշխանության դաշնային մարմիններում մեր գործընկերների հետ կկանգնեցնենք նրանց եւ թույլ չենք տա քաղաքում բռնություն տարածել», - ասել է ոստիկանության քաղաքային վարչության պետ Էդդի Ջոնսոնը:
Զանգվածային շուրջայցերը երկու օր են տեւել: Խուզարկության եւ շուրջկալների ընթացքում չգրանցված հրազենի 25 միավոր է առգրավվել եւ ավելի քան 45 հազար դոլարի թմրանյութ, հայտնում է ՏԱՍՍ-ը:
Քաղաքային ոստիկանությունը հատուկ ցուցակ է օգտագործել, որում մոտավորապես 1,3 հազար մարդու անուն կա: Հիմնականում նրանք բազմիցս օրենքը խախտած մարդիկ են եւ հաշվառված են իրավապահ մարմինների տվյալների բազայում: Հատուկ մշակված ալգորիթմի օգնությամբ ընտրվել են միայն բռնության եւ զենքի կիրառության ամենամեծ հակում ունեցող անձինք: