Թուրքիայի վարչապետ Ահմեդ Դավութօղլուն նախագահ Ռեջեփ Թայիփ Էրդողանին հրաժարականի մասին դիմում է ներկայացրել: Այս մասին հաղորդում է NTV հեռուստաալիքը՝ վկայակոչելով նախագահի աշխատակազմի աղբյուրին:
Հաղորդվում է, որ Էրդողանն ընդունել է Դավութօղլուի հրաժարականը եւ խնդրել կառավարության ղեկավարի պարտականությունները կատարել՝ մինչեւ նոր կառավարության կազմավորումը:
Ավելի վաղ Թուրքիայի իշխող ԱԶԿ-ի արտահերթ համագումարում կուսակցության նոր ղեկավար էր ընտրվել երկրի տրանսպորտի նախարար Բինալի Յըլդըրըմը: Ավանդույթի համաձայն, կուսակցության ղեկավարը զբաղեցնում է նաեւ Թուրքիայի վարչապետի պաշտոնը: Ակնկալվում է, որ Էրդողանը Յըլդըրըմին կառաջարկի նոր կառավարություն ձեւավորել:
