Ճապոնիայի եւ Պանամայի իշխանությունները համաձայնագիր են ստորագրել հարկային տեղեկատվության փոխանակման մասին, հայտնում է Kyodo News-ը` վկայակոչելով Ճապոնիայի ֆինանսների նախարարությանը: Նման գործողությունները պայմանավորված են «պանամական թղթերի» դեռեւս չհանգած սկանդալով, հայտնում է Gazeta-ն:
Նշվում է, որ համաձայնագիրը կստորագրվի այն բանից հետո, երբ երկրները կարգավորեն ներքին արարողակարգերի բոլոր մանրամասները եւ կարգը, ինչն իշխանություններին թույլ կտա տեղեկատվություն փոխանակել օֆշորային գոտում ընկերությունների բանկային հաշիվների վերաբերյալ:
Նման համաձայնագիրը փաստաթղթերի արտահոսքից հետո իր տեսակի մեջ առաջինն է դարձել Պանամայի համար:
Ավելի վաղ հաղորդվել էր, որ Եվրամիությունը կարող է պատժամիջոցներ կիրառել «հարկային դրախտների» նկատմամբ:
Ապրիլի 3-ին հրապարակվել էր OCCRP-ի, ICIJ-ի եւ տասնյակ պարբերականների լրագրողների լայնածավալ հետազոտությունը օֆշորային գործարքներին համաշխարհային առաջնորդների, քաղաքական գործիչների, մարզիկների եւ մշակույթի գործիչների մասնակցության վերաբերյալ: