Հայաստանն աշխատում է Ռուսաստանից վարկով զենքի արագացված մատակարարումների ուղղությամբ: Այս մասին մայիսի 23-ին Ազգային ժողովում լրագրողների հետ զրույցում հայտարարեց ՀՀ պաշտպանության նախարար Սեյրան Օհանյանը:
«Սպառազինությունների մի մասը, որ պատրաստվում էինք գնել, արդեն պատրաստ է: Եվ մենք կփորձենք սեղմ ժամկետներում իրականացնել առաջադրված խնդիրները»,- հավելեց նախարարը:
Հիշեցնենք, որ Ռուսաստանն ու Հայաստանը պայմանավորվածություն են ձեռք բերել 200 մլն դոլարի չափով Հայաստանին վարկ տրամադրելու շուրջ՝ ռուսական զենք ձեռք բերելու համար:
