Եթե այսօրվա խնդիրները նայենք, մենք ավելի մեծ ապարատի պահանջ ունենք: Այս մասին, այսօր՝ մայիսի 24-ին, ԱԺ-ում 2015 թվականի բյուջեի կատարողականի քննարկման ժամանակ հայտարարել է Կառավարության աշխատակազմի ղեկավար-նախարար Դավիթ Հարությունյանը:
Նրա խոսքով, խոսել պարզ, պրիմիտիվ մոտեցման մասին կրճատումների, ճիշտ չի լինի: «Դուք չեք բարելավում ոչ մի բան, ուղղակի ծանրաբեռնում եք եղած աշխատողներին, որից կարող է տուժել աշխատանքը: Խոսքը վերաբերում է ավելի խորը գործընթացների մասին: Բյուրոկրատիան անընդհատ բազմանում է եւ պարբերաբար անհրաժեշտ է գիլյոտինի նման ոչ թե զուտ միայն հատել, այլ վերամիաստավորել այն առաքելությունը, որ ունի այս կամ այն մարմինը:
Դա հեշտ գործ չէ, որովհետեւ վերանայում ենք լիազորությունները մարմինները, փորձում ենք փոխել գաղափարախոսությունը»,-ընդգծել է Դավիթ Հարությունյանը:
Նրա խոսքով, դրա համար փորձում ենք համակարգը դարձնել ավելի օպտիմալ: «Օպտիմալը ամենեւին չի նշանակում նաեւ փոքր: Եթե այսօրվա խնդիրները նայենք, մենք իսկապես ավելի մեծ ապարատի պահանջ ունենք:
Խոսքը չի վերաբերում մարդկային ռեսուրսներ կրճատելուն, այլ այն նոր խնդիրները, մարտահրավերներիը կատարելուն»,-ընդգծել է նա: