Չեխիայի նախագահ Միլոշ Զեմանը հունիսի 8-ին կայցելի Հայաստան: Այս մասին NEWS.am-ի թղթակցի հետ զրույցում ասել է Հայաստանում Չեխիայի արտակարգ եւ լիազոր դեսպան Պետր Միկիսկան:
Նրա խոսքով՝ այցի օրակարգում Հայաստանի եւ Չեխիայի միջեւ տնտեսական համագործակցությունն է, Հայաստանի եւ ԵՄ-ի հարաբերությունների զարգացումը, Չեխիայի կողմից այդ հարցում համապատասխան աջակցությունը, ինչպես նաեւ տարածաշրջանային քաղաքականությունը, այդ թվում՝ Լեռնային Ղարաբաղի խնդիրը: