Եվրոպայի բորսային ինդեքսները մայիսի 26-ին աճ են գրանցել՝ հետեւելով նավթի գների դրական դինամիկային: Այս մասին են վկայում սակարկությունների տվյալները:
Երեւանի ժամանակով ժամը 11:19-ի դրությամբ բրիտանական FTSE 100-ի ինդեքսը 0.13 տոկոսով աճ էր գրանցել՝ հասնելով 6271,08 կետի: Ֆրանսիական CAC 40-ն աճել էր 0.20 տոկոսով՝ մինչեւ 4490,38, գերմանական DAX-ը՝ 0.10 տոկոսով՝ մինչեւ 10215,80-ը, հայտնում է RIA Novosti-ն:
Հիշեցնենք, որ Լոնդոնի եւ Նյու Յորքի բորսաներում էլեկտրոնային սակարկությունների արդյունքում նավթի գները մայիսի 26-ին աճել են:
Նյու Յորքի ապրանքային բորսայում (NYMEX) WTI տեսակի նավթի հուլիսյան ֆյուչերսների արժեքը աճել է 0,71 տոկոսով՝ հասնելով 49,91 դոլարի՝ մեկ բարելի դիմաց:
Լոնդոնի ICE Futures բորսայում Brent տեսակի նավթի հուլիսյան ֆյուչերսների արժեքն աճել է 0,74 տոկոսով՝ հասնելով 50,11 դոլարի՝ մեկ բարելի դիմաց:
