Գլենդելի ոստիկանությունը ձերբակալել է հայ տղամարդու, որին կասկածում են անչափահասների ներկայությամբ ձեռնաշարժությամբ զբաղվելու մեջ:
Glendaleca-ի տեղեկություններով՝ միջադեպը տեղի է ունեցել մայիսի 24-ին Glendale Galleria կոչվող առեւտրի կենտրոնում: Երեխաներն իրենց հոր հետ McDonald’s-ում ճաշելիս են եղել, երբ հայրը նկատել է, որ տղամարդը, սեւեռնուն նայելով իր երեք երեխաներին (1,6 եւ 7 տարեկան մեկ տղա եւ 2 աղջիկ), ձեռքը գրպանում դրած, ձեռնաշարժությամբ է զբաղվել: Ընտանիքի հայրը կանչել է անվտանգության ծառայակիցներին, նրանք էլ ահազանգել են իրավապահներին:
Ոստիկանության աշխատակիցները կալանավորել են տղամարդուն: Պարզվել է, որ նա Բըրբենքի բնակիչ, 48-ամյա Խաժակ Մարգարյանն է, որի անունը նախկինում 2 անգամ շրջանառվել էր սեռական ոտնձգությունների գործերում: Երկու միջադեպն էլ տեղի էին ունեցել առեւտրի կենտրոնում, որի ղեկավարությունն արգելել է Մարգարյանի մուտքն իր տարածք: