Ճապոնիայում մահացել է էգ փիղը, որը Տոկիոյի կենդանաբանական այգում ապրում էր 1949 թվականից, հայտնում է Gazeta-ն` վկայակոչելով Associated Press-ին:
Հանակո անունով կենդանուն նվիրել էին Թայլանդի իշխանությունները: Էգ Փիղն ապրում էր բետոնե մի փոքրիկ բնում: Որոշ ժամանակ առաջ պահանջագիր էր հայտնվել, որը կոչ էր անում կենդանուն վերադարձնել Թայլանդ: Բայց որոշում էր կայացվել, որ էգ փիղը չափազանց ծեր է տեղափոխության համար:
Հանակո թարգմանաբար նշանակում է «ծաղիկների զավակ»: Նա 69 տարեկան էր: Դա անազատության մեջ ապրող ասիական փղերի համար ռեկորդային տարիք է համարվում: