Լեռնային Ղարաբաղը պետք է բանակցությունների կողմ լինի, եւ հայկական կողմը միշտ բարձրացրել է այդ հարցը: Այս մասին մայիսի 26-ին՝ խորհրդարանում 2015-ի բյուջեի կատարողականի հաշվետվության ժամանակ, ասել է ՀՀ արտգործնախարար Էդվարդ Նալբանդյանը՝ պատասխանելով Նիկոլ Փաշինյանի հարցին:
«Բացեմ փակագծերը, որոնք մենք միգուցե չենք բացել: Վստահեցնում եմ Ձեզ, որ բոլոր աշխատանքային փաստաթղթերում, որոնք քննարկվել են եւ հանձնվել Վիեննայում ԵԱՀԿ գլխավոր քարտուղարության պահպանմանը, կետ կա այն մասին, որ Լեռնային Ղարաբաղը պետք է մասնակցի բանակցություններին, եւ առանց Լեռնային Ղարաբաղի, անհնար է որեւէ փաստաթղթի մշակում եւ ստորագրում», - նշել է Նալբանդյանը: