Մտածեցինք՝ աղբամանն ա վառվում, մոտեցանք, տեսանք, որ շարժվում ա. պատմում է այրված տղամարդուն կրակը այրած
Երեւանի Բաշինջաղյան փողոցի շենքերից մեկի մոտ մայիսի 26-ի գիշերը այրված տղամարդուն մոտակա ավտոլվացման կետի աշխատակիցներն են նկատել, հանգցրել կրակը:
«Ավտո էինք լվանում ես ու ընկերս, հանեցինք, որ չորացնենք, տեսանք որ կրակ ա: Մոտեցանք, մտածեցինք աղբամանն ա վառվում, տեսանք, որ շարժվում ա»,- NEWS.am-ին պատմեց ավտոլվացման կետի աշխատակիցներից մեկը:
70-ամյա Համլետ Մելիքյանը կարողացել է խոսել, տղաներին ասել է, որ չգիտի՝ ինչու է նման քայլի դիմել:
«Ասեց՝ ռաստվարիտելով եմ վառել, շիշն էլ ձեռքն էր: Հարցրինք՝ ինչի, ասեց՝ չգիտեմ»,- պատմեց աշխատակիցը:
Հիշեցնենք, որ տղամարդը կյանքի հետ անհամատեղելի այրվածքներ էր ստացել՝ մաշկի 95 եւ շնչուղիների 20 տոկոսի: Նա հիվանդանոց տեղափոխվելուց ժամեր անց մահացել էր:
