Պաշտպանության բանակի անձնակազմի շնորհիվ սահմանային իրավիճակը վերահսկելի է, համեմատաբար ավելի խաղաղ է, կրակոցները շատ քիչ են: Այս մասին այսօր՝ մայիսի 27-ին, լրագրողների հետ զրույցում ասաց ՀՀ պաշտպանության նախարար Սեյրան Օհանյանը:
«Ստորաբաժանումներն իրենց ամենօրյա գործունեությամբ կատարելագործում են իրենց մարտական ունակությունները եւ կարողությունները մեր երկրի պաշտպանությունն իրականացնելու համար»,- ասաց նախարարը:
Սեյրան Օհանյանի խոսքով՝ սա հատկապես կարեւոր է Արցախյան հատվածում, իսկ այնտեղ Պաշտպանության բանակը՝ որպես կատարյալ զորամիավորում, իր առջեւ դրված խնդիրը կատարում է: