Ավստրալիայում 1,1 կմ երկարությամբ ուղեւորատար գնացք է հայտնվել: «Գան» (Ghan) գնացքի կազմի մեջ 44 վագոն է մտնում: The Daily Mail-ը հայտնում է, որ ավելի վաղ գնացքը կազմված է եղել 30 վագոնից, իսկ նրա երկարությունը 200 մ-ով ավելի կարճ էր:
Այսպիսով, նորացված «Գանը» Ավստրալիայի ամենաերկար գնացքն է դարձել: Կիրակի` մայիսի 22-ին այն ուղեւորվել է այս տարվա ընթացքում իր առաջին ճանապարհորդությանն ամբողջ երկրով` հարավային Ադելաիդայից հյուսիսային Դարվին: Ուղեւորությունը գրեթե երեք օր է տեւել:
«Գանի» միջին արագությունը ժամում 85 կմ է: Այն կարող է ժամում մինչեւ 116 կմ արագություն զարգացնել: Ընդհանուր զանգվածը մոտ 2,2 հազար տ է: Այն քաշում է երկու լոկոմոտիվ: Ամեն տարի մայիսից գնացքը երթեւեկում է Ավստրալիայի հարավից հյուսիս:
Սթիվ Կերնահանը` Great Southern Rail ընկերության վաճառքների տնօրենը, որը «Գանի» սեփականատերն է, հայտնել է, որ ռեկորդային երկարություն ձեռք բերած գնացքը ատացոլում է երկաթուղային ուղեւորությունների նկատմամբ ավստրալացիների մեծացած պահանջարկը:
Գնացքի Ghan անվանումը նրա նախկին` «Աֆղանական ճեպընթաց» (The Afghan Express) անվանման կրճատ ձեւն է: Գնացքն այդպես են կոչել ուղտ հեծնող չորս աֆղանի օգտին, որոնք Ավստրալիա են ժամանել XIX դարում այդ երկրի առանձին անկյունների հետազոտման համար:
Առաջին «Գան» գնացքը ճամփա է ընկել 1929-ին: 1980-ին այն շարքից հանվել է, եւ նրան փոխարինելու է եկել նոր կազմ, հայտնում է Lenta-ն: