Տղամարդը, որին փնտրում են իրավապահ մարմինների աշխատակիցները 15-ամյա աղջկա առեւանգման կասկածով, սպանվել է հինգշաբթի Սանտա Բարբարայի օկրուգում հետապնդումից հետո, որը փոխհրաձգությամբ է ավարտվել, հայտնում է Americaru-ն:
Սակայն օրենքի պահապաններն ընդլայնել են Փիրլ Փինսոնի որոնումները, որն առեւանգվել էր չորեքշաբթի վաղ առավոտյան դպրոցի ավտոբուսի մոտ գնալու ճանապարհին: ՀԴԲ-ն եւս միացել է որոնմանը: Կասկածյալ 19-ամյա Ֆերնանդո Կաստրոյին տեսել են մոտավորապես ժամը երեքին` Լոս Ալամոսից ոչ հեռու, հայտնում է Սանտա Բարբարայի օկրուգի շերիֆի դեպարտամենտի մամուլի քարտուղար Քելլի Հուվերը:
Երբ ոստիկանները գտել են Կաստրոյին եւ սկսել են հետապնդել նրան, կասկածյալն ընթացել է մեծ արագությամբ եւ ի վերջո ջարդել է մեքենան: Երբ նա դուրս է եկել մեքենայից, սկսել է կրակել ոստիկանության ուղղությամբ: Օրենքի պահապաններից մեկը պատասխան կրակ է բացել: Բայց տղային հաջողվել է փախչել եւ նա ներխուժել է անվավոր տուն, որտեղ մնացել է ներսում: Կինը, որն ապրում է տանը, կարողացել է հեռանալ առանց վնասվածքների: Հետո Կաստրոն բեռնատար մեքենա է գողացել, բայց երբ ոստիկանները գտել են նրան, նա մեռած է եղել:
