ՄԱԿ Գլխավո ասամբլեան 2002 թվականին № A/RES/57/129 բանաձեւով մայիսի 29-ը հայտարարեց Խաղաղապահների միջազգային օր (International Day of United Nations Peacekeepers): Վերջին տարիներին այդ օրը նշում են միջոցառումներով, որոնք ամեն տարի ունենում են միացյալ, սակայն ամեն անգամ տարբեր թեմաներ:
Տոնը նշանավորում է այն ամենը, ինչը ՄԱԿ-ն արել է տարբեր երկրների համար թշնամական կողմերին հաշտեցնելու եւ տառապանքները թեթեւացնելու համար:
ՄԱԿ ներկայիս խաղաղապահ գործողություններն ավելի բարդ ու բազմապլանային բնույթ են կրում, դրանք չեն սահմանափակվում հրադադարի ռեժիմի պահպանման վերահսկողությամբ, այլ փաստացի լուծում են երկրների վերականգնման խնդիրները, որոնք հաճախ երկարատեւ հակամարտություններից հետո կործանման եզրին են հայտնվել, փոխանցում է Calend-ը:
Կապույտ գլխարկներով զինծառայողներն ու նրանց քաղաքացիական գորընկերները համատեղ ջանքերով կազմակերպում են ընտրություններ, ակտիվորեն մասնակցում ոստիկանության եւ դատական համակարգի բարեփոխումներին, զբաղվում են մարդու իրավունքների պաշտպանությամբ, հաստատում են կանանց եւ տղամարդկանց իրավահավասարության սկզբունքները:
