Ֆրանսիական Peugeot ավտոմոբիլային կոնցեռնը գաղտնազերծել է նոր սերնդի 3008 քրոսովերը: Մոդելի պաշտոնական շնորհանդեսը տեղի կունենա սեպտեմբերին, Փարիզի ավտոսրահում: Եվրոպայում նորույթի վաճառքը կմեկնարկի դրանից մեկ ամիս անց:
Նոր 3008-ի դիզայնը Quartz կոնցեպտուալ մեքենայի ոճով է, որը ներկայացվել է դեռեւս 2014 թվականին, իսկ սրահը նոր սերնդի i-Cockpit ոճով է:
Ըստ Daily-Motor-ի, նորույթը 1.2 լիտր ծավալով 130 ձիաուժ հզորությամբ բենզինե շարժիչ կունենա՝ 6 աստիճանային մեխանիկական փոխանցման տուփով: Գնորդներին կառաջարկվեն նաեւ 1.6 լիտր ծավալով 165 ձիաուժ հզորությամբ բենզինե եւ 1.6 եւ 2 լիտր ծավալով 100-180 ձիաուժ հզորությամբ դիզելային շարժիչներով տարբերակներ:
Ֆրանսիական կոնցեռնի նորույթի գինը հայտնի կդառնա ավելի ուշ՝ շնորհանդեսին մոտ:
