Microsoft-ի եւ IBM-ի թրեյնինգներին ավելի քան 1200 մարդ է մասնակցել: Այս մասին մայիսի 30-ին՝ խորհրդարանում 2015-ի բյուջեի կատարողականի հաշվետվությունը ներկայացնելիս, ասել է էկոնոմիկայի նախարար Արծվիկ Մինասյանը:
Նրա խոսքով՝ Microsoft-ի թրեյնինգներին մասնակցել է 623 մարդ, իսկ IBM-ը սկսնակ 30 թիմերի խորհրդատվություններ է ներկայացրել՝ անցկացնելով 40 դասընթաց 600 շահառուների համար: 1072 մարդ մասնակցել են հայ-հնդկական տեղեկատվական տեխնոլոգիաների ուսումնական կենտրոնում կազմակերպած սեմինարին:
Հայկական ազգային ինժեներական լաբորատորիաներում (ANEL) պրակտիկա է անցել 450 ուսանող: