Հյուսիսային պողոտայում կիրակի տեղի ունեցավ NEWS.am-ի ամենամյա բարեգործական ակցիան՝ նվիրված Երեխաների պաշտպանության օրվան: Ավանդույթի համաձայն՝ պաղպաղակը, զովացուցիչ ըմպելիքներն ու ձողիկները վաճառում էին ճանաչված մարդիկ՝ երգիչներ, դերասանների, հաղորդավարներ, քաղաքական գործիչնե: Ակցիան ուղեկցվեց համերգային ծրագրով: Առաջին անգամ Երեւանում ելույթ ունեցան մարտակերտցի ռեփերները, որոնք հատուկ համերգին մասնակցելու նպատակով ժամանել էին Արցախից: Հանգանակության արդյունքում հավաքվեց 2 մլն 450 հազար դրամ, որն ամբողջությամբ տրամադրվելու է Արցախում զոհված զինծառայողների երեխաներին:

Արցախի զորամասերից մեկի կրակային դիրքում հանկարծամահ է եղել զինծառայող, 19-ամյա Սուրեն Մոսիյանը: Մահվան հանգամանքները պարզելու համար կատարվում է քննություն: Սուրենի ընտանիքը բնակվում է Արարատի մարզի Արտաշատ քաղաքում՝ սոցիալապես ծանր պայմաններում։ Նա ընտանիքի կրտսեր երեխան էր։

Դժբախտ դեպք է տեղի ունեցել Գեղարքունիքի մարզում: Ծափաթաղ գյուղում շրջվել է տրակտորը, ինչի հետևանքով տեղում մահացել է տրակտորի 17-ամյա ուղևոր Նվեր Խաչատրյանը:

Երեւանում կին է ինքնասպան եղել՝  նետվել հիվանդանոցի 3-րդ հարկի պատուհանից: Ինքնասպանություն գործած քաղաքացին 56 տարեկան էր:

Արագածոտնում մայրը 5 հազար դոլարով վաճառել է իր 1 ամսական երեխային, որից 2 հազարը տվել է միջնորդին՝ 57-ամյա բուժքրոջը: Համագյուղացիները պատմել են, որ նորածնի մայրը միայնակ է մեծացնում երեք երեխաներին, ամուսինն արտագնա աշխատանքի է մեկնել ու մի քանի տարի է՝ Հայաստան չի գալիս, ընտանիքին չի օգնում: Ենթադրում են, որ կինն այդ քայլին է գնացել սոցիալական ծանր պայմաններից ելնելով:

Սամվել Բաբայանը հայրենասեր է, բայց ոչ հրաշագործ: Որպես քաղաքական գործոն նա ընդամենը վետերան է՝ ասել  է նախկին պատգամավոր Ազատ Արշակյանը, որի կարծիքով՝ պետք չէ Բաբայանի վերադարձի հետ մեծ հույսեր կապել:

Այսօր բոլոր հիմնական արտարժույթների փոխարժեքները նվազել են, դոլարի փոխարժեքը կազմել է 477,  ռուբլունը՝ 7.23, եվրոյինը՝ 531, ֆունտինը՝697 դրամ:

Երեւանում մայիսի 31-ին կեսօրից հետո եւ գիշերվա առաջին կեսին սպասվում է անձրեւ եւ ամպրոպ: Առաջիկա գիշերը մայրաքաղաքում օդի ջերմաստիճանը կհասնի +12-ի ,  իսկ վաղը ցերեկը՝ +27-ի։