Բրազիլիայի հակակոռուպցիոն նախարարության ղեկավար Ֆաբիանո Սիլվեյրան հրաժարական է տվել Petrobras նավթային պետական ընկերության կաշառակերության գործով հետաքննության սկանդալի պատճառով, հայտնում է Reuters-ը:
Պաշտոնյան հրաժարականի դիմումը ներկայացրել է երկրի նախագահի ժ.պ. Միշել Տեմերի աշխատակազմին:
Ավելի վաղ հայտնել էինք, որ Բրազիլիայի հակակոռուպցիոն նախարարության հարյուրավոր աշխատակիցներ պահանջել են նախարարի հրաժարականը: 250 աշխատակից հրաժարվել էին աշխատանքի գնալ, քանի դեռ Սիլվեյրան չի լքել պաշտոնը:
Հիշեցնենք, որ մայիսի 12-ին Բրազիլիայի սենատը որոշել էր նախագահ Դիլմա Ռուսեֆին ժամանակավորապես հեռացնել պաշտոնից:
