Որպես ԱԱՀ եւ եկամտահարկ գանձվող տասնյակ միլիոնավոր ֆունտ սթեռլինգներ ընթացիկ տարվա փետրվարից չեն փոխանցվում Մեծ Բրիտանիայի հարկային-մաքսային ծառայության (HMRV) հաշվին, գրում է Telegraph պարբերականը:
Պարբերականի իրականացրած հետաքննության արդյունքների համաձայն, բացթողման պատճառը հարկային-մաքսային ծառայության կողմից իր բանկային ռեկվիզիտները փոխելն է: Շատ ֆիրմաներ, որ ճշգրտորեն վճարել են հարկերը, փոփոխություններից հետո ծանուցումներ են ստացել ուշացած վճարումների մասին եւ հավանաբար նույնիսկ նշանակություն չեն տվել դրան, որովհետեւ մտածել են, որ HMRV-ի ուղարկած ծանուցումներն ընդամենը խաբեություն են. այն աստիճան անհասկանալի էր հարկային-մաքսային ծառայությունը տեղեկացնում ֆիրմաներին, նշում է թերթը:
«Փոփոխությունն անկասկած պատշաճ եղանակով չէր կատարվել, որովհետեւ մասնավոր ձեռնարկատերերը համապատասխան ծանուցում չէին ստացել», — հաշվապահական Smith and Williamson ֆիրմայի ներկայացուցիչ Թինի Ռիչեսին է մեջբերում պարբերականը:
Նրա խոսքով, հայտնի դեպքերն ընդամենը «այսբերգի գագաթն են», խնդիրը կարող է բրիտանական գանձարանում հսկայական ճեղքվածք թողնել, հայտնում է «ՌԻԱ Նովոստին»:
