Գերագույն ռադայի «Բատկիվշչինա» խմբակցության պատգամավոր Նադեժդա Սավչենկոն հանել է կոշիկները խորհրդարանում իր առաջին աշխատանքային նիստի ժամանակ, հայտնում է strana.ua-ն:
Սավչենկոն հանել է կոշիկները լիագումար նիստից առաջ նիստերի դահլիճում: «Իր աշխատանքային տեղում՝ գրեթե Տիմոշենկոյի հետեում, Նադեժդան առանց ավելորդ շփոթմունքի հանել է իր սեւ, տափակ կոշիկները եւ ոտաբոբիկ նստել աթոռին: Նա այդպես ուսումնասիրում էր կանոնակարգը եւ ստորագրություններ էր դնում գրանցամատյանում»,- ասված է հաղորդագրության մեջ:
Հիշեցնենք, որ մայիսի 31-ին Սավչենկոն Գերագույն ռադա էր եկել իր աշխատանքային առաջին նիստին մասնակցելու: Նա խորհրդարանի ամբիոնից երգել է Ուկրաինայի հիմնը եւ խոստացել, որ չի մոռանա Դոնբասում զոհված ուկրանացի մարտիկներին: