Մայիսի 9-ի ուշ երեկոյան Աբովյան բժշկական կենտրոնից հաղորդում է ստացվել, որ ծակած-կտրած վերքերով բուժօգնության է դիմել 23-ամյա մի տղամարդ։ Կոտայքի մարզի Կամարիս գյուղի բնակիչ տուժած Երվանդ Գալստյանի մոտ ախտորոշվել է որովայնի առաջնային պատի ձախ հետույքային եւ աջ հետույքային շրջանի կտրած-ծակած վերքեր։ Տուժած քաղաքացին հիվանդանոցում ի վիճակի չի եղել հայտարարություն տալ։
Պարզվել է, որ այդ օրը Կամարիս գյուղում երկու խումբ իրարից անկախ գնացել են գյուղի եկեղեցու մոտ «քեֆ» անելու։ Վայրի զննությամբ իրավաբանները հայտնաբերվել են ալկոհոլային խմիչքների բազմաթիվ շշեր։
Պարզվել է, որ մեծ քանակությամբ ալկոհոլ խմելուց հետո վիճաբանություն է տեղի ունեցել, որը փողոցից տեղափոխվել է մեկուսի վայր։ Նույն գյուղի բնակիչ Արսեն Խաչատրյանը Երվանդին ջարդված շշով էր վնասվածքները հասցրել, հետո հեռացել անհայտ ուղղությամբ՝ պատասխանատվությունից խուսափելու համար։ Սակայն, ժամեր անց ներկայացել ոստկանություն եւ խոստովանել արարքը։
«Թեթեւ վիճաբանություն է եղել, գետնից ջարդված շիշը վերցրել եւ հարվածել եմ»,-պատմել է նա։
