Փարիզի քաղաքապետ Անն Իդալգոն հայտարարել է Ֆրանսիայի մայրաքաղաքում փախստականների համար ճամբար ստեղծելու մտադրության մասին: Ըստ նրա, ճամբարը հիմնվելու է մարդասիրական կազմակերպությունների օգնությամբ:
ՏԱՍՍ-ի փոխանցմամբ, քաղաքապետը նշել է, որ այն ոչ միայն գիշերակաց, այլեւ օրվա ընթացքում ժամանակ անցկացնելու հնարավորություն կստեղծի նրանց համար, ովքեր «մայրաքաղաք են ժամանում՝ գոյություն համար միջոցներ չունենալով»:
Որպես օրինակ Փարիզի քաղաքապետը նշել է ֆրանսիական Գրանդ Սենտ կոմունայում ՄԱԿ-ի միջազգային չափանիշներին համապատասխան փախստականների ճամբարի ստեղծումը:
