Մեքսիկային հետաքրքրում է ԵՏՄ-ի հետ համագործակցության թեման՝ տարածաշրջանում իր ներկայությունն ընդլայնելու համար: Այս մասին «ՌԻԱ նովոստիին» հայտնել է Մեքսկիայի ԱԳ փոխնախարար Կարլոս դե Իկասան:
«Մենք շատ հետաքրքրված ենք ԵՏՄ-ով, որը մեզ տարածաշրջանում ավելի մեծ ներկայություն կապահովեր: Պետք է քննարկել Խաղաղօվկիանոսյան դաշինքի (Մեքսիկա, Պերու, Չիլի, Կոլումբիա) եւ ԵՏՄ-ի հնարավոր մերձեցումը»,-ասել է դե Իկասան: Նա այսօր սկսում է իր պաշտոնական այցը Ռուսաստան:
Դիվանագետի խոսքով, Մեքսիկան մտադիր է զարգացնել նման երկխոսությունը, սակայն համագործակցության հուշագրի հնարավոր ստորագրման հստակ ժամկետ նա չի նշել:
Նշենք, որ Եվրասիական տնտեսական միության կազմում ընդգրկված են Ռուսաստանը, Ղազախստանը, Բելառուսը, Հայաստանն ու Ղրղզստանը:
