Ադրբեջանական կողմը զանգահարել է եւ խնդրել Ռուսաստանին դադարեցնել ապրիլին սկսված ռազմական գործողությունները: Այս մասին հունիսի 1-ին՝ «Ղարաբաղյան հակամարտության ռուսական միջնորդության հեռանկարները» թեմայով Երեւան-Բաքու-Մոսկվա հեռուստակամուրջի ժամանակ, ասել է «Ժառանգություն» խմբակցության քարտուղար, ԱԺ պատգամավոր Թեւան Պողոսյանը:
Պատգամավորի խոսքով՝ այդ առումով Ռուսաստանի դերն արդեն սահմանված է նրա շահերով, որոնք տարածաշրջանում ազդեցությունը պահպանելն է: «Ինչպե՞ս դա անել: Տարածաշրջանի երկրներին կախվածության մեջ պահել, որպեսզի առաջ մղի իր շահերը»,- նշել է Պողոսյանը:
Պողոսյանը հիշեցրել է, որ ապրիլի 2-6-ը Ադրբեջանը ագրեսիա է դրսեւորել: «Դժվար է ասել, թե ինչ էին նրանք ուզում դրանով փոխել: Սակայն, ցավոք, 1994-ին հրադադարի համաձայնագրի կնքումից 22 տարի անց Ադրբեջանը զինվել է եւ, բնականաբար, դա նշանակում է, որ նրանք ուզում են հարցը լուծել ռազմական ճանապարհով», - եզրզփակել է Թեւան Պողոսյանը:
