Լեռնային Ղարաբաղի Հանրապետությունը բանակցային սեղանին չի վերադառնա: Այս մասին այսօր՝ հունիսի 2-ին, լրագրողների հետ զրույցում ասաց Կովկաս ինստիտուտի տնօրեն, քաղաքագետ Ալեքսանդր Իսկանդարյանը:
«Առաջիկայում Ղարաբաղը բանակցային սեղան չի վերադառնա, Ղարաբաղի համար նման հնարավորություններ գոյություն չունեն: Հասկանալի է, որ բանակցությունները միայն Հայաստանի պահանջով չեն տարվում եւ քանի որ Ղարաբաղը բանակցային սեղանին չի վերադարձել ապրիլյան դեպքերից հետո, դժվար կլինի ասել, որ ինչ որ բան կփոխվի»,- ասաց քաղաքագետը:
Ալեքսանդր Իսկանդարյանը նշեց, որ Հայաստանը միանշանակ կմասնակցի բանակցային գործընթացներին, որովհետև այն ստատուս քվոն պահպանելու քաղաքական միջոց է: Քաղաքագետի խոսքով՝ ապրիլի սկզբին Ղարաբաղա-ադրբեջանական սահմանին տեղի ունեցած գործողությունները սխալ է անվանել պատերազմ, դրանք միայն էսկալացիայի աճի արդյունք էին. «Այսպիսի էսկալացիա չէր եղել, բայց դրանք պատերազմ անվանելը նույնպես սխալ է: Գրագետ տերմիններով է անհարաժեշտ այս ամենը կոչել, այս ընթացքում օգտագործվեց ռազմական միջոցներ տերմինները, բայց սրանք ռազմական գործողություններ չէին»: