Թուրքիայի նախագահ Ռեջեփ Թայիփ Էրդողանը Բունդեսթագի որոշումից հետո կրկին շահարկել է Թուրքիայում առանց իրավունքի ապրող հայաստանցիների թեման։
Թուրքական Cumhuriyet պարբերականի փոխանցմամբ՝ Թուրքիայի նախագահը շարունակում է արձագանքել Բունդեսթագի որոշմանը՝ այս անգամ այն անվանելով կյանքի բնական ընթացքին ոչ համահունչ։ Էրդողանը խորհուրդ է տվել գերմանացի պատգամավորիներին նախ Հոլոքոստը կրկին ճանաչել, հետո անցնել հայերի թեմային։
«Մենք գիտենք, որ այդ որոշման կայացման մեջ հարցը հայերը չեն, նրանք հայերին պարզապես օգտագործում են։ Հայկական հարցը սկսել են որպես շանտաժի գործիք ու մահակ օգտագործել»,–ասել է Էրդողանը։
Թուրքիայի նախագահը պնդել է, որ եթե Թուրքիան հայերի նկատմամբ զգայուն չլիներ, Թուրքիայի քաղաքացի չհանդիսացող հայերին երկրում չէր պահի ու եվրոպացիների նման Հայաստան կուղարկեր։