ԱՄՆ-ի Քալիֆորնիա նահանգի օրենսդիր մարմինը հունիսի 15-ին ընդունել է 2016-2017թթ ֆինանսական տարվա բյուջեն, որի շրջանակում 1 մլն դոլար է հատկացվել Գլենդեյլում Հայ-ամերիկյան թանգարանի կառուցման համար, հաղորդում է Asbarez.com-ը:
«Ես հպարտ եմ նրանով, որ Հայ-ամերիկյան թանգարանի կառուցման համար 1 մլն դոլար է հատկացվելու»,-ասել է Քալիֆորնիայի օրենսդիր մարմնի անդամ Ադրին Նազարյանը:
Նրա խոսքով, հայերի ճամփորդությունը դեպի Քալիֆոռնիա` Ցեղասպանությունից մինչեւ բարգավաճում ընկած ճանապարհի պատմությունն է, որը նահանգի կարեւորագույն բաղկացուցիչներից է:
Թանգարանը մշակութային օջախ է լինելու, որը հարստացնում է հասարակությունը, ներկայացնում հայ-ամերիկյան պատմությունը եւ հնարավորություն տալիս մարդկանց տեսնել մշակութային բազմազանությունն ու դեմ է հանդես գալ նախապաշարմունքներին: