Ղարաբաղի հարցով Սանկտ Պետերբուրգում կայացած հանդիպման ձեւաչափով այլ հանդիպումներ էլ են սպասվում։ Այս մասին հունիսի 21-ին՝ մամուլի ասուլիսի ժամանակ, ասել է Հայաստանում Ֆրանսիայի արտակարգ եւ լիազոր դեսպան Ժան Ֆրանսուա Շարպանտիեն։
Անդրադառնալով ֆրանսիական կողմի նախաձեռնությամբ Հայաստանի եւ Ադրբեջանի նախագահների հնարավոր հանդիպմանը՝ դեսպանը նշեց. «Ինչու ոչ։ Այս պահին կարող եմ ասել, որ Պետերբուրգում կայացած հանդիպման կոնտեքստում այլ հանդիպումներ էլ են սպասվում նույն ձեւաչափով, որով կայացավ երեկվա հանդիպումը։ Ինչ վերաբերում է Ֆրանսիային, մենք միշտ ընդգծել ենք Ֆրանսիայում Ղարաբաղի խնդրով հանդիպումներ անցկացնելու հարցում մեր պատրաստակամությունը»։
