Առաջին անգամ չափելով ծովի հատակի ամենախորը իջվածքներում (այդ թվում՝ Մարիինյան իջվածքում) օրգանական աղտոտող նյութերի մակարդակը՝ գիտնականները պարզել են, որ տեղի կենդանիների օրգանիզմում մեծ քանակությամբ թունավոր քիմիական նյութեր են կուտակվել: Այս մասին գրում է Lenta-ն:
Մասնագետներն ուսումնասիրել են 7-10 հազար մետր խորությամբ բնակվող խեցգետնակերպերի օրգանիզմում օրգանական աղտոտիչների կուտակումների մակարդակը: Նախկինում նման հետազոտություն անցկացվել է մինչեւ 2 հազար մետր խորությամբ ջրերում:
Պարզվել է, որ Մարիինյան իջվածքում պոլիքլորացված բիֆենիլների (PCB) կուտակումը երկու անգամ ավելի է, քան Չինաստանի երկու աղտոտված գետերի դելտաներում (Չժուցզյան եւ Լյաո):
Գիտնականները կասկածում են, որ Մարիինյան իջվածքում PCB-ի բարձր մակարդակը բացատրվում է պլաստմաս արտադրող չինական արդյունաբերական շրջանների, ինչպես նաեւ Գուամ կղզում ամերիկյան ռազմաբազայի մերձավորությամբ:
