Թուրքիայում անհայտ անձինք գողացել են անոթը, որի մեջ պահվում էր Մուհամմեդ մարգարեի մորուքի մազը («Sakal-ı Şerif»), հայտնում է Milliyet-ը:
Ռամադանի կապակցությամբ «Sakal-ı Şerif»-ը ցուցադրության էր հանվել Քոջաելիի նահանգի Դեյիրմանդերե Յալը մզկիթում: Գիշերը մզկիթի աշխատակիցները նկատել են, որ անոթն անհետացել է: Ոստիկանությունն անմիջապես սկսել է հետաքննությունը:
Նշենք, որ «Sakal-ı Şerif»-ը պահվում է Ստամբուլի Թոփքափը պալատում: Կրոնական տոների ժամանակ անոթը շրջում է Թուրքիայի տարբեր նահանգներով: