Սանկտ Պետերբուրգում կայացած հանդիպումը կարող է ժամանակավորապես կանխել ղարաբաղյան հակամարտությունում ռազմական գործողությունները, քանի որ ադրբեջանական կողմի վրա ճնշումը դեռ թարմ է: Այս մասին հունիսի 22-ին կայացած մամուլի ասուլիսին ասել է քաղաքագետ Ալեքսանդր Մանասյանը:
Սակայն, նրա խոսքով, ոչ ոք չի կարող ասել, որ այդ հանդիպումը արգելք կլինի Ադրբեջանի համար պատերազմ սկսելու առումով: «Եթե Ադրբեջանը բարձրաձայնում է այսպես կոչված «օկուպացված տարածքների» մասին դրույթը, եւ այդ դրույթը լեգիտիմություն է ստանում, ապա ադրբեջանական կողմը միշտ պատերազմ սկսելու իրավունք կունենա»,- նշել է Մանասյանը: