Երեւանի Վարդաշեն 6-րդ փողոցի 59-ամյա բնակիչ Անդրանիկ Վ.-ն, որի որովայնը հունիսի 21-ին ձող էր մտել, այսօր Վերակենդանացման բաժանմունքից կտեղափոխվի հիվանդասենյակ: NEWS.am-ին «Էրեբունի» բժշկական կենտրոնից տեղեկացրին, որ տղամարդու վիճակն արդեն կայուն է, նրա ոչ մի կենսական օրգան չի վնասել:
Նշենք, որ հունիսի 21-ին` ընդհանուր եւ լապորոսկոպիկ վիրաբուժության բաժանմունքի ավագ վիրաբույժ Ս. Սահարյանի գլխավորությամբ իրականացվել է քաղաքացու որովայնից մետաղյա ձողի դուրս բերման բացառիկ վիրահատություն:
Անդրանիկ Վ.-ի հետ դեպքը պատահել է ծառից ընկնելու ժամանակ:
Հիշեցնենք, որ ԱԻՆ-ում ժամը 14.55-ին տեղեկություն էր ստացվել, որ մետաղյա ձողը մտել է Վարդաշեն 6-րդ փողոցի տներից մեկի բնակչի որովայնը. ձողը կտրելու համար անհրաժեշտ է փրկարարների օգնությունը:
Պարզվել է, որ բնակիչ 59-ամյա Անդրանիկ Վարդանյանը աշխատանքների կատարման ժամանակ ընկել է մետաղյա ձողի վրա՝ վնասելով որովայնը: Մինչ հրշեջ-փրկարարների կանչի վայր հասնելը՝ ձողը կտրել են տեղի ուժերով: