Թուրքիայի Տուրիստական գործակալությունների ասոցիացիայի (TURSAB) ղեկավար Բաշարան Ուլուսոյը թուրքական հյուրանոցներին կոչ է արել քայլ առ քայլ հրաժարվել «ամեն ինչ ներառված է» համակարգից՝ ոլորտում եկամուտների անկման պատճառով: Այս մասին գրում է Gazeta-ն՝ վկայակոչելով Anadolu գործակալությունը:
«Այդ համակարգը գրավիչ է տնտեսող, ընտանիքով արձակուրդի մեկնող զբոսաշրջիկնեի համար: Նման հյուրանոցները չեն կարող բարձրացնել ծառայությունների գները, չնայած տարեցտարի նրանց ծախսերն ավելանում են: Հարկավոր է աստիճանաբար նվազեցնել այդ համակարգով աշխատող հյուրանոցների թիվը»,- հայտարարել է Ուսուլոյը:
Հունիսի 23-ին Թուրքիայի տուրիստական բիզնեսի ներկայացուցիչները վարչապետ Բինալի Յըլդըրըմին ոլորտի պայմանների բարելավման առաջարկներ են ներկայացրել:
Թուրքական տուրիստական ոլորտի փրկության ծրագիրը ներառում է 90 մլն դոլարի չափով ֆինանսավորում եւ տուրիստական ընկերությունների պարտքի վերակառուցման մեխանիզմների ներդնում:
