Թուրքիայի Եվրամիության հարցերի նախարար Օմեր Չելիքը կարծում է, որ ԵՄ կազմից Միացյալ Թագավորության դուրս գալը վատ որոշում է Եվրոպայի համար: Այս մասին գրում է ՌԻԱ Նովոստին:
«Մեկուսացումը կործանում է եվրոպական արժեքները: Թուրքիան Եվրամիության հետ համագործակցում էր միգրացիոն ճգնաժամի հարցով, որն այսօր Եվրոպայի առջեւ կանգնած խոշորագույն մարտահրավերներից է: Եվրոպային նոր մեկնարկ է անհրաժեշտ, այդ թվում՝ գոյություն ունեցող մեխանիզմների թարմացում: Մենք հարգում ենք բրիտանացիների որոշումը, բայց դա վատ որոշում է Եվրոպայի համար»,- Չելիքի խոսքերն է մեջբերում Independent պարբերականը:
Հինգշաբթի Մեծ Բրիտանիայում ԵՄ-ին երկրի անդամակցության հարցով հանրաքվե անցկացվեց: Պաշտոնական տվյալներով, Եվրամիությունից երկրի դուրս գալու օգտին քվեարկել է հանրաքվեին մասնակցած քաղաքացիների 51.9%-ը: