Նյու Յորքի Gates Candy & Grocery քաղցրավենիքի խանութում ոստիկանները թմրանյութերի պահեստ են հայտնաբերել: Այս մասին գրում է Lenta-ն՝ վկայակոչելով New York Post-ը:
Տեղի հարկային ծառայության աշխատակիցները խանութում չնախատեսված ստուգումներ են անցկացրել, ինչի արդյունքում կասկածելի գաղտնարան են հայտնաբերել, որը սովորաբար օգտագործվում է ծխախոտ պահելու համար, եւ հայտնել Նյու Յորքի ոստիկանությանը:
Խուզարկության ընթացքում ոստիկաններն արգելված նյութեր, փաթեթավորման եւ կշռելու համար նախատեսված պարագաներ են հայտնաբերել: Ոստիկանության Twitter-ի պաշտոնական էջում հրապարակված հաղորդագրության համաձայն, հայտնաբերված նյութերը չեն տեղավորվել ոստիկանության մեքենայի բեռնախցիկում:
Գործողության արդյունքում Քուինսի 33-ամյա եւ Մանհեթենի 46-ամյա բնակիչները ձերբակալվել են: