ԵԱՀԿ շտաբ գրասենյակում Լեռնային Ղարաբաղի հարցով քննարկում կկայանա։ ՏԱՍՍ–ի փոխանցմամբ՝ Վիեննայում ԵԱՀԿ գրասենյակում բացվում է անվտանգության ոլորտում խնդիրների քննարկման ամենամյա խորհրդակցությունը։
Եռօրյա խորհրդակցության առանձին նստաշրջանը նվիրված կլինի ԵԱՀԿ տարածքում խնդիրներին եւ տարածաշրջանում դրանց ազդեցությանը։ Առավել խնդրահարույց օջախների թվում, Ուկրաինայից բացի, կլինեն Լեռնային Ղարաբաղի ու Մերձդնեստրի խնդիրները։
ԵԱՀԿ–ում ՌԴ մշտական ներկայացուցիչ Ալեքսանդր Լուկաշեւիչի խոսքով՝ այդ թեմաներով դեռ «գլուխ գովելու բան չկա»։ Ընդ որում, ԵԱՀԿ–ում նշում են, որ Վիեննայում եւ Սանկտ Պետերբուրգում Հայաստանի եւ Ադրբեջանի նախագահների խորհրդակցություններից հետո «զգուշավոր դրական միտում» է նկատվում։