Թուրքիա-Ռուսաստան հարաբերությունների կարգավորման հարցով առաջիկա օրերին Թուրքիայի նախագահը հեռախոսազրույց է ունենալու ՌԴ նախագահ Վլադիմիր Պուտինի հետ։ Նման հայտարարություն է արել Թուրքիայի վարչապետ Բինալի Յլդըրըմը։
Թուրքական TRT-ի ուղիղ եթերում Թուրքիայի վարչապետը մեկնաբանել է նախագահ Էրդողանի կողմից ՌԴ նախագահ Պուտինին ուղարկված ներողության նամակը՝ շեշտելով, թե նամակում նախագահն իր տխրությունն է հայտնել տեղի ունեցած օդանավի միջադեպի հետ կապված։ «Հարկ եղած դեպքում Թուրքիան պատրաստ է ՌԴ-ին փոխհատուցում վճարել։ Մենք ցանկանում ենք կարգավորել հարաբերությունները ՌԴ-ի հետ»,-ասել է Թուրքիայի վարչապետը։
Նշենք, որ ՌԴ նախագահի մամուլի խոսնակ Դմիտրի Պեսկովը հայտարարել է, թե Թուրքիայի նախագահ Ռեջեփ Թայիփ Էրդողանը Սիրիայում խոցած «Սու 24»–ի համար ներողություն է խնդրել ՌԴ նախագահից եւ ցավակցություն հայտնել զոհված օդաչուի ընտանիքի անդամներին։