Չինաստանի Նինգբո քաղաքում հայկական ազգային տաղավարի պաշտոնական բացումը կայացել է հունիսին, բայց այն գործում է արդեն 6 ամիս։ Այս մասին հունիսի 28-ին կայացած մամուլի ասուլիսին ասել է Հայաստանի արդյունաբերողների եւ ձեռներեցների միության եւ Չինաստանում Հայաստանի առեւտրատնտեսական պալատի անդամ Արթուր Եգորյանը։
Նրա խոսքով՝ հայկական տաղավարը կաշխատի շաբաթական 6 օր։ «Տաղավարն ունի իր առանձին բաժինները՝ վաճառքի, մարկետինգի, ապրանքների ներմուծման եւ մաքսային բաժիններ»,– նշել է Եգորյանը։
Չինաստանի Նինգբո քաղաքի եւ Հայաստանի Կապան քաղաքի միջեւ եղբայրության համաձայնագիր է կնքվել։ «Ինչու է ընտրվել Կապա՞նը։ Որովհետեւ «Մետքասի ճանապարհի» ծովային հատվածը սկսվում է Նինգբոյից եւ անցնում նաեւ Կապան քաղաքով»,– հավելել է Եգորյանը։
