Ղազախստանն առաջին անգամ ՄԱԿ-ի Անվտանգության խորհրդի ոչ մշտական անդամ է ընտրվել: Այս մասին գրում է Reuters-ը:

Նշվում է, որ Ղազախստանի անդամության ժամկետը կսկսվի 2017 թվականի հունվարի 1-ից եւ կավարտվի 2018 թվականին: ՄԱԿ-ի ԱԽ-ում Ղազախստանի անդամության օգտին քվեարկել է 193 պետություններից 138-ը: Ասիա-Խաղաղօվկիանոսյան խմբում Ղազախստանի հետ մրցակցում էր Թայլանդը:

Ըստ ՌԻԱ Նովոստիի, առաջին փուլում անհրաժեշտ քանակությամբ ձայն են ստացել երեք թեկնածուներ՝ Բոլիվիան, Եթովպիան եւ Շվեդիան: Անվտանգության խորհրդի սեղանի շուրջ երկրորդ տեղի համար պայքարում են Իտալիան եւ Նիդեռլանդները: