Թուրքիայի նկատմամբ սահմանափակող միջոցների վերացումը տեղի կունենա փուլ առ փուլ, ոչ թե ի վնաս ռուսաստանցի արտադրողին: Այդ մասին հայտնել է Ռուսաստանի վարչապետ Դմիտրի Մեդվեդեւը կառավարության հունիսի 30-ի նիստին:
«Անհրաժեշտ է մի կողմից չեղյալ համարել սահմանափակումները հաշվի առնելով ընդհանուր քաղաքական ֆոնի բարելավումը, բայց իհարկե ոչ ի վնաս ռուս արտադրողներին եւ այն գործընկերներին, որոնք արդեն զբաղեցրել են ռուսաստանյան շուկայի ազատված նիշաները», — ասել է Մեդվեդեւը, հայտնում է «ՌԻԱ Նովոստին»:
Նա պարզաբանել է, որ սահմանափակումները հանելու վերաբերյալ առաջարկների նախապատրաստությունը տեղի է ունենում ՌԴ նախագահ Վլադիմիր Պուտինի հանձնարարությամբ: Պատժամիջոցների վերացման համար անհրաժեշտ կլինի շտկել նախագահական համապատասխան հրամանագիրը եւ կառավարության որոշումը, հայտնել է Մեդվեդեւը: