Այսօր՝ հունիսի 30-ին մեկնարկում են «Եվրո 2016»-ի քառորդ եզրափակիչ փուլի խաղերը: Ամենահետաքրքիրն առջեւում է, քանի որ այս փուլում պատահական թիմեր չեն լինում: Մի քիչ այդ մտքի հետ այդքան էլ համաձյան չեմ, քանի որ համարում եմ, որ Պորտուգալիան բախտի բերմամբ այս փուլ հասած թիմ է: Բայց եթե հասել են, ուրեմն չդատենք: Աղյուսակի ձախ հատվածի թիմերում, ինչպես ասում են, առաջնության բացահայտ ֆավորիտներ չկան, իսկ ահա ուժեղագույներն իրար կհանդիպեն կիսաեզրափակիչում:

Շատերի կարծիքով «Եվրո 2016»-ի  հաղթողը լինելու է Իտալիա – Գերմանիա զույգի հաղթողը, կամ էլ Ֆրանսիան: Իտալիան այս առաջնությունում ամենից արդյունավետ ու գրագետ խաղ ցուցադրող թիմն է: Չնայած նրանք պարտվեցին Իռլադիային ու Թուրքիայում այլեւս իտալական պիցցա չեն պատրաստում, բայց ուժեղ թիմերի հետ նրանք խաղացին անթերի: Գերմանիան առաջնության ընթացքում գնալով ավելացնում է թափը: Եվ հենց այդ պատճառով էլ այս զույգը ամենահետաքրքիրն էլ լինելու: Բացի այդ Գերմանիան Իտալիայի հետ խաղերում բարդույթ ունի: Հենց իտալացիները նրանց դուրս թողեցին նախորդ Եվրոյում: Իտալացիները չթողեցին որպեսզի Գերմանիան մտներ եզրափակիչ՝ տանն անցկացվող Աշխարհի առաջնությանը՝ 2006–ին:

Ծովից ծով ինտերնետ ռոմինգում Ucom-ի հետ Մինչև սեպտեմբերի 15-ն օգտվեք շարժական ինտերնետից 39 դրամ/ՄԲ և մուտքային զանգերից 150 դրամ/րոպե սակագներով նշված ծովափնյա երկրներում: Ամբողջական ցանկը` այստեղ

Իսկ այսօր Մարսելում խաղալու են Պորտուգալիան ու Լեհաստանը: Ինչպես արդեն ասացի Պորտուգալիան ամենից պատահական դուրս եկած թիմն է: Իր խմբում, որը համարվում էր ամենաթույլը, նա գրավեց երրորդ տեղը:1/8 եզրափակիչում նրանք խորվաթներին հաղթեցին միայն լրացուցիչ ժամանակում խփած գնդակի շնորհիվ: Բայց այստեղ կա Ռոնալդու: Եվ Նանին էլ գտնվում է լավ մարզավիճակում: Մյուս կողմից էլ կա Լեհաստան ու Լեւանդովսկի՝ Եվրոպայի լավագույն ռմբարկուներից մեկը: Լեհաստանը նախորդ փուլում դժվարությամբ հաղթեց  Շվեյցարիային հետխաղյա 11-մետրանոցներով:

Ուելս-Բելգիա խաղը տեղի կունենա հուլիսի 1-ին՝ Լիլում: Այստեղ Բելգիան բացարձակ ֆավորիտ է համարվում: Եվ որքան էլ համակրելի լինեն Բեյլն ու նրա թիմակիցները, կարծում եմ՝ այսքանով նրանց արկածները Ֆրանսիայում կավարտվեն:

Իսկ ահա առաջնության սենսացիան, ամենից համակրելի թիմը ՝ Իսլանդիան, հուլիսի 3-ին կխաղա առաջնության տերերի հետ: Ֆրանսիան  վերջապես սկսում է խաղալ իր խաղը: Անկեղծ ասաց, ես այս առաջնությունում համակրում եմ Իսլանդիային, բայց կարծում եմ, որ նրանց համար քառորդ եզրափակիչում ամեն բան կավարտվի: Ցավոք նման կարծիքի են նաեւ իսլանդացի երկրպագուները: Նրանք իրատես են ու ասում են, որ Ֆրանսիայի արգելքը չեն հաղթահարի: Եթե հանկարծ այնուամենայնիվ անցնեն, կարծում եմ՝ դա կլինի Եվրոների պատմության ամենամեծ սենսացիան: Ավելի մեծ քան Դանիայի ու Հունաստանի չեմպիոնությունը:

Նախորդ փուլում իմ կատարած բոլոր կանխատեսումներն իրականացան, բացի խորվաթների խաղից: Ես հավատում էի թե Իսլանդիայի, թե Իտալիայի հաղթանակներին:

Հիմա փորձեմ կռահել նաեւ քառորդ եզրափակիչի հաղթողներին:

Լեհաստան – Պորտուգալիա. կհաղթի Պորտուգալիան

Ոուելս – Բելգիա. կհաղթի Բելգիան

Իտալիա – Գերմանիա. կհաղթի Գերմանիան

Ֆրանսիա – Իսլանդիա. կհաղթի Ֆրանսիան

Վեջջապես մեզ է վերադառնում մեծ ֆուտբոլը: Ասում են, թե ամենից հետաքրքիր խաղերը լինում են քառորդ եզրափակիչում եւ կիսաեզրափակիչում: Այդպես էլ կլինի: Առաջնությունը լքել են կռվարար երկրպագուները, այն թիմերը, որոնք հայտնվել էին այս «Եվրոյին» միայն նրա շնորհիվ, որ մասնակից երկրների թիվն էր ավելացել, իսկ այժմ մնացել են լավագույնները:

Վայելենք ֆուտբոլը…

Նշենք, որ Եվրո 2016-ի լուսաբանման գլխավոր հովանավորն է UCOM ընկերությունը:

Վերա Մարտիրոսյան Փարիզից