Պաշտոնական Բաքուն դեմ չէ Հայաստանի ու Ադրբեջանի նախագահների նոր հանդիպման անցկացմանը:
«Հայաստանի ու Ադրբեջանի նախագահների հաջորդ հանդիպումը կանցնի Ֆրանսիայում: Ֆրանսիական կողմը առաջարկել է նախագահների նման հանդիպում անցկացնել: Մենք դեմ չենք»,- ասել է Մամեդյարովը հունիսի 30-ին մամուլի ասուլիսի ժամանակ, հայտնում է haqqin.az–ը:
Նրա խոսքով, Սանկտ Պետերբուրգում Հայաստանի ու Ադրբեջանի նախագահների հանդիպմանը սկսվել է հակամարտության կարգավորման առարկայական բանակցությունների անցկացումը:
«Մեզ համար կարեւոր է բանակցությունների արդյունքը: Մենք չենք ուզում բանակցել հանուն բանակցելու»,- հավելել է նա: