Ամերիկյան բազմաֆունկցիոնալ երեք կործանիչներ՝ հինգերորդ սերնդի F-35-երը, առաջին անգամ հատել են Ատլանտյան օվկիանոսը: Այս մասին գրում է Lenta-ն՝ վկայակոչելով Defence News-ը:
Օդանավերը վայրէջք են կատարել Մեծ Բրիտանիայում եւ մասնակցելու են Farnborough Airshow 2016 ավիաշոուին, որն անցկացվելու է հուլիսի 15-17-ին:
Մայիսին Նիդեռլանդների պաշտպանության նախարարությունը հաղորդել էր, որ F-35 կործանիչները Լեուվանդենի ավիաբազա են ժամանելու՝ երեքշաբաթյա փորձնական թռիչքներ կատարելու նպատակով:
F-35 Lightning II-ը հինգերորդ սերնդի հեռանկարային քիչ նկատելի բազմաֆունկցիոնալ կործանիչ է, որի մշակմամբ 2001 թվականից զբաղվում է Lockheed Martin կորպորացիան:
ԱՄՆ-ից բացի, օդանավը պատրաստվում են գնել Մեծ Բրիտանիան, Նիդեռլանդները, Իտալիան, Իսրայելը, Կանադան, Նորվեգիան, Ճապոնիան, Թուրքիան եւ Հարավային Կորեան: